喺youtube見倒呢首歌, 就諗起 天山雪蓮, 送給你啊!

< 老師很忙>   改編自: 周杰倫 - 牛仔很忙

呢首歌係我撘車時聽倒既, 我覺得好好聽,介紹俾大家:

杜德偉 - 擦身情綠

菜鳥終於都成為局嫂了!

俾張我同新娘子既合照大家睇下先啦!

新娘子真係又瘦又索呀!

牛年第一大事就梗係菜鳥既婚禮啦, 2月14日, 好浪漫呢!

跟住就係4月30日的會計專業試, 呢次一定唔衰得, 我年紀唔細了,再拖落去, 唔得了呢!

工作方面, 喺呢個巿道, 我公司已裁員了, 幸好我無影響, 悻存的都要減薪, 放完農曆假返工前一晚,我喺屋企講, (好慘, 聽日又要返工), 二佬就話:有份工你返咪好囉!

又係既~~~~

我一路都想買細細棵連住葉既紅蘿蔔俾兔bee食, 但一路都搵唔倒, 但喺銅記city super終於搵到啦, 五棵仲只係港幣3.4咋!

你睇佢個樣幾開心?

昨日初六就發現自己做咗件白痴事, 初六咋~~~~唉!

今晚我突然喺屋企叫咗出黎, 唔係有曱甴, 係因為接到菜鳥電話, 想邀請我同天山雪蓮擔任姊妹團呢~~~

我真係好開心呢, 菜鳥仲笑話, 我仲興奮過佢, 哈, 當然啦, 因為菜鳥喺咁重要既日子, 我能夠involved, 係我既榮幸呢!

作為一個女孩子, 我認為當日最最最緊要就係新娘一定要靚絶全場 (女孩子都係咁諗架啦, 請各男仕咪柴台啊!), 佢係女主角嘛  , 但我相信, 喺局長心目中, 菜鳥永遠都係佢既女主角, everyday 都係.

今日去朋友菜鳥個blog "菜鳥手記", update下呢個朋友既近況, 呵~~~, 有好消息呢!

菜鳥同佢hondy 局長要結婚了!

佢地咁多朋友, 個婚禮一定好熱鬧啫! 唔知佢地啲結婚相, 隊長同豆腐會唔會有份出鏡呢?

在此謹祝菜鳥同局長白頭到老, 永結同心, 恭喜啊!

我好想同天山雪蓮講呢, 可惜佢而家仲喺澳洲,我諗佢知道實好高興啫!